Et quivi li formenti erano pur ancora cari.
     
      Fo terminato nel senato di non meter decime per non angarizar li citadini, et ducati 10 milia che erano stà preparati per comenzar a riscuoder montenuovo, fono tolti per armar galie sotil. Et volendo danari, etiam fusse venduto ducati 70 milia monte nuovo a ducati 80, justa il solito, a danno di color son debitori; et non trovando chi compraseno a quel precio, calono a ducati 75 el cento.
     
      Per avisi da Roma, come el reverendissimo cardinal Grimani patricio nostro infallanter, fatto Pasqua, voleva vegnir in questa terra a visitar la Signoria nostra, et andar poi al suo patriarchato di Aquileja. Se li farà grande honor, et chome vegnirà ne farò mentione.
     
      [1498 03 09]A dì 9 marzo, nel consejo di pregadi comandato a questo effecto per l'avogaria, nel qual non vi volse venir el serenissimo principe per caxon di l'amicitia havea a Domenego di Martin cognominato di la Camera, el qual fu menato per Andrea Zanchani avogador di comun, tamen pocho parloe et fé lezer le scripture, et Daniel Zucuol doctor advocato rispose. Or fo messo parte di procieder contra di lui per manzarie fatte a la camera, over in la cità di Padoa, per l'oficio tenia olim soprastante a la camera di lavorieri. Et di tutto il consejo fu preso di procieder. Have 3 di no et 6 non sinciere, et fo messo parte per li avogadori che 'l fusse impichato a Padoa per le cane di la golla, et tutto il suo messo in [902] comune a satisfation di le manzarie e dil credito de li danari per mal modo tolti.