Poi, per lettere de Pera de 20 de marzo, nula altra novità se sa de quello è scripto de sopra de le vele 26, le qual se vanno metando in ordene. Caracassam turco corsaro con le nave haveva de voluntà intrato in streto. Zonto a Galipoli, dovea andar a la Porta. Ha lassado 2 fuste grosse et uno bregantino a suo fradelo Caratornus, cum ordene vada a Sorassari aspetarlo, fin che 'l ge manda lettera dil Signor che 'l debia intrar in streto. A questo modo, el Signor turco haverà reduti tutti suo' corsari in Constantinopoli, et li farà grandi homeni. El qual Caratornus, con dite fuste et [978] uno gripo armado, à preso in Stalimene una griparia con formenti e formazi de questo loco. Et in soa compagnia è uno altro bregantin che, 8 dì fa, prese 2 barche de peschadori con homeni 7, dei qual uno scampato vene qui per via del passado, et de questo n'à dato notitia.
     
     
     
      Nuove dil mexe di zugno 1498.
     
      [1498 06 01]A dì primo zugno, nel consejo di pregadi, volendo nostri gajardamente mantenir l'impresa de Pisa, licet el ducha de Milan havesse voja più presto di apizarsi con la Signoria nostra cha si seguisse più ditta impresa, et questo per amor di fiorentini, et dubitava venitiani non si facesseno signori di Pisa, la qual cossa per niun modo voleva assentir, ma ben che fusse resa a' fiorentini, Etiam il papa era di questo voler, unde nostri, disputato tal materia, fu decreto che don Ferante da la cha' di Este, fiol dil ducha di Ferara et soldato nostro, dovesse immediate con la sua conduta di 400 cavali, et azonteli 50 balestieri a cavallo, debbi andar a Pisa.