Et dicitur, haveano inteso il re li volea mandar contra fino a Lion monsignor di Lignė con una squadra di arcieri. Conclusive, che erano per tutto stati ben visti e honorati.
     
      Morite in questi giorni Alvixe Grasseto capitanio dil consejo di X, et in loco suo, nel consejo di X a dė 14 lujo, fo electo Bortolo Bon, fo armiragio con Marchio Trivixam capitanio generale in armada, et era protho a l'oficio dil sal. Fono ballotadi molti homeni da ben. Fo soto Lorenzo di Leti prior di l'hospedal di Foscari da Castello, che atendea li camerlengi.
     
      [1498 07 15]A dė 15 ditto, in gran consejo, fo publichado la condanason fata nel consejo di X contra sier Piero, sier Alvise, sier Hironimo Bragadin q. sier Andrea da Sansevero, per parole usade in caxa sua a sier Nicolō Zorzi da San Moisč era a le raxon nuove. Che li ditti tre fradelli siano caduti a la leze, privadi di oficio e beneficio e di consegii di la Signoria nostra per anni 10. Non li possi esser fato gratia etc. se non per tutte 17 ballote.
     
     
      [1016][1498 07 16]
      A dė 16, fo pregadi. Expedito la ultima opinione dil senato in condur el ducha di Urbin et Bajoni di Perosa, a li qualli insieme li devano homeni d'arme 250 in tutto, et ducati 30 milia a l'anno. Et volendo acetar, fusse conduto, altramente che questa era l'ultima resolution dil senato.
     
      [1498 07 17]A dė 17, a Lio, fo provado do bombarde fate per Albergeto, che trazeva piere di peso di l. ... l'una. Le qual el gran maistro di Rodi le haveva mandate a far in questa terra per defension di Rodi.