A dì 13, vene lettere di Franza di 3 septembrio di li oratori nostri, date a Paris. Narava di trieva conclusa per mexi 6 con Maximilian, et in questo mezo trateriano paxe.
     
      Item, di alcuni colloquii fati con Opizin Caza che fo quello dete a questo re Novara etc. che fo credenza.
     
      [1498 09 13]A dì 13, l'orator di Milan fo in colegio. Expose molte cosse da parte dil suo signor. Tochoe che nostri haveano fato tosegar frate Agustin a Lucha, et altre parole, a le qual per il principe li fo risposto sapientissime etc.
     
      In questo zorno, in pregadi, fo preso parte, atento che Francesco Morexini dotor andava orator a Napoli era amalato, che Marin Zorzi dotor ivi era potesse ripatriar, lassando et facendo l'oficio di l'orator el secretario Lunardo Anselmi vice consolo.
     
      [1498 09 15]A dì 15, nel consejo di pregadi, fo preso parte che la barza capitanio Andrea Loredam, et l'altra [1090] picola patron Daniel Pasqualigo, per esser state fuora il suo tempo et non esser più bisogno, che le dovesse venir a disarmar. Le qual erano sora Modon.
     
      Item, le 3 galie sotil più vechie, videlicet soracomiti questi: sier Zuam Francesco Venier, sier ... Venier fiol de sier Zuam Francesco, che fo posto soracomito in loco di sier Jacomo Loredam, et sier Lorenzo Loredam ...
     
      El proveditor electo Simon Guoro, dapoi messo banco, stentava di armar, siché non è per partirse cussì impressa.
     
      In questo consejo di pregadi, fono electi: ambasador a Roma, in luogo de Polo Trivixam el cavalier havia refudado per l'oficio di l'avogaria, Polo Capelo el cavalier che fue orator a Napoli, el qual aceptoe, ponendosi in hordine di andar.