Da Milan di sier Marco Lipomano, cavalier orator nostro, qual era amalato. Et avisoe, el ducha haver mandato el titolo di capitano dil re di romani al marchexe di Mantoa: et havia promesso a misier Zuam Bentivoy il stato havìa, et dar a suo fiol Alexandro 25 homini d'arme.
     
      Di Cypro vene lettere l'altro eri, di 16 avosto. Scrive haver de dì 6 ditto da Damasco, come el morbo era cessato, et el diodar era verso a lì, e Cartibei andava verso el Cajaro. Havia dà rota ad arabi, et facea far una gran forteza verso arabi. Et a Damasco erano venute some 2000 di specie; ivi consolo nostro era sier Beneto Sanudo. Et che haviano [19] di nuovo in quelle parti l'armata turchescha. Era intrà in streto, et perhò haveano licentià le navi di Sorìa venisseno ai lhoro viazi in conserva, per esser in quelle aque, tra Famagosta e le Saline, uno corsaro chiamato Arsine, con certi navilii. Item, el ditto regimento di Nichosia, zoè sier Andrea Venier luogotenente et consejeri, havea per hordine di la Signoria fato de le comprede di orzi, qualli li mandava per la nave Cadena verso Pisa.
     
      Di Famagosta, di sier Bortolomeo Minio, capitanio, di 12 avosto. Come nel numero di le fantarie sono lì, vi si trova assa' nativi, et come havìa fato la mostra di li stratioti, et alcuni capi. È rimasti n.° 286, quali sono pochi a la guardia bisogna, perché tra l'isola di Cypri e la Turchia è uno canal largo poco più di milia 60, et è spiaza da poder metter in terra dove se vuole. Et come andava continuando la fabrica per lui principiata, che è passa 200 di muro.