Etiam vene lettere di Verona di questa materia.
     
      Da Vicenza, di sier Hironimo Capello provedador per le camere. Come havea trovato do scrivani; havia tolto assa' danari aspetanti a la Signoria nostra: zoè Marco da Mozam ducati 600 di quella moneda, et Prodozimo di Colti et uno Zuam Gelazo, qualli haveano intromessi.
     
      Da Fiorenza. Piero di Bibiena portoe una lettera di 13 in zifra scrita, molto copiosa. Come in quella terra, maxime la parte di Piero de' Medici, erano [44] sussitati per le gran provision feva la Signoria in mandar il marchexe di Mantoa a Pisa, et venendo valide si otegnirà, et la compagnia di la corona si mostrerà. Et come la note avanti era stà udito in li quatro quartieri di la terra alcune voce palle, palle, et che Strozi, Nerli et l'Orsini con l'orator di Milan la note andono a palazo di signori, tamen nulla seguite. S'il campo nostro fusse passato di là, saria seguito gran rumori in Fiorenza. Et che el ducha di Milan li havia scrito di ajutarli, et Paulo Vitelli havia scrito: non sarà fuora novembrio che haverà Pisa, et che atende a serarla, et fazi il ducha di Milan togli li passi a li nostri, el qual dia mandar 200 homini d'arme in lhoro aiuto. Item, senesi non sono ancor in acordo per esser in Fiorenza ancora li foraussiti, quali doveano esser mandati fuora et non erano stà mandati.
     
      Noto. Questa matina, in quarantia criminal, parlando in una causa sier Lorenzo di Prioli avogador di comun, et dicendo di sier Daniel Zucuol dotor avochato certe parole, si ritrovava lì sier Beneto Belegno, quaranta criminal, zenero di dito sier Daniel, qual rispose a l'avogador cussì su li banchi adeo esso avogador si tene inzuriato.