Da Turin dil secretario nostro, di 23. Come misier Zuam Jacomo voria la resolution, per dubito etc. Et che domino Alexandro Malabaila havia scrito voria la Signoria si contentasse di qua di Po etc. et che ha scrito al re mandi zente in Aste per bon rispeto. Item, di la trieva fata col re di romani; et esso misier Zuam Jacomo non voria il re tolesse altra volta; ha mandato per suo fiol, č in Bergogna. Et haver per un'altra cavalchata di Franza che il re havia cassā li soi sguizari, e cussė il re di romani, per caxon di non spender non ne havendo bisogno, et parte di dicti sguizari partivano mal contenti; et che 'l re di romani voria far che suo fiol fusse con lui in guerra con Franza.
     
      Di Zenoa di Marco Bevazam secretario, di 20. Il zonzer lė di do galie dil re Federico, con madona Antonia sorela di la raina. Qual ha maridā una soa fiola in uno fiol di domino Joanne Alovisio dal Fiesco. La qual era venuta per far le noze. Item, di uno caso seguito, esser stā amazā una dona vedoa, sorela di domino Zuam Spinola da Seravale una note, abuto 40 feride, et questo per amor di una soa fiola, da uno fiol di Zuliani di Magnara dito Monaro, qual č stā piato et ha confessā haverlo fato per esser stā insieme con lui il fiol di domino Augustino Adorno governador, garzon di anni 16, et il governador vol meter suo fiol a ogni pericolo, dicendo non esser stato: si aspecta risposta di Milan di questo. Item che zenoesi diceano volersi ben portar verso la Signoria nostra, e non si mover contra de nui, imo aver bon animo; et che l'orator fiorentino, č lė, dicea il ducha doveria veder zenoesi non desseno aiuto a' pisani, dubita etc. et si lamentava molto di zenoesi.