Item, la expedition di tutti 500 provisionati.
      Et questo inteso, fo scrito a essi rectori et al podestà di Crema dovesseno far veder et intender di [95] questo et darne aviso, et dovesseno mandar a dir non lavorasseno perché era contra li capitoli.
     
      Da Vicenza di sier Hironimo Capelo proveditor per le camere. Come mandava de qui in prexon Zuam Sbelazo, Marco da Mozam et Prodozimo di Colti, per haver tolto danari aspetanti a la Signoria nostra, qualli fosseno custoditi fino al suo ritorno che li expediria.
     
      Et perché era venuti in questa terra alcuni savogini, per nome de quelli di Salucia, qualli dimandavano certi imprestidi che era in nome lhoro conditionati, et fu comesso questo a li proveditori sopra la camera d'imprestidi che dovesseno veder, unde ozi sier Alvixe Contarini proveditor referite come dicti di Salucia haveano questo cavedal a la camera, et vene uno con comission et li vendete, et la Signoria nostra li comproe, ergo non vi sono.
     
      Da poi disnar non fo nulla, nì el colegio si reduxe.
     
      [1498 11 04]A dì 4 novembrio domenega, in colegio, vene sier Andrea Gabriel venuto capitano di Creta, qual referite le forteze esser mal in hordine et le munizion pezo, laudò l'armirajo dil porto, nome Jacomo Dotto. Disse di malli cuor de' cretensi; laudò domino Andrea Lando arziepiscopo di Candia, qual fa l'oficio ogni note come frate, et una vita piena di sanctimonia; biasemò il papa greco. Disse di Sayti, che di tre parte che vi sono le do non si pol seminar, per la gran bruosara et la terza si semenerà et potrassi lavorar per li 160 boini.