Item, ha expedito uno messo qui con lettere dil Signor et bilarbei di la Morea, et altri che etiam scriveno a la Signoria, chiamato el protojero di la Morea, homo cativo, conforta la Signoria li fazi honor, etc.
     
      In questa matina fo dato per il cassier duc. 3141 a l'armamento per expedir la galia di sier Simon Guoro proveditor di l'armada, la qual era cavà di l'arsenal, è in canal grando, acciò con lui vadi sier Andrea Zanchani electo orator al Turcho, e fo trovato li presenti al Signor, justa il consueto. Qual perché in questa terra non si trovava zurme, anderà per Dalmatia a interzesarse; et questo fo a requisition de' savii a i ordeni, qualli voleva expedir ditto orator con do gripi fino a Corfù, acciò fusse presto, ma il resto dil colegio non la sentiva.
     
      Da poi disnar la Signoria dete audientia; et il colegio se redusse. Et accidit, che questa nocte a hore tre sier Alexandro Venier fratello di mia madre morite; et fece uno testamento zercha Sanguanedo molto longo, adeo, fece parlar più zorni di quello; et io do zorni non veni in colegio.
     
      [1498 11 06]A dì 6 novembrio in colegio vene domino Antimacho orator di Mantoa, et dimandò licentia di partirse, perché el suo signor li havia scrito si teniva esser libero per non esserli concesso quello havia dimandato. Et consultato di la risposta, per el principe li fo dicto dovesse obedir il suo signor e non altro.
     
      [102] Da Mantoa di sier Foscarini, di 4. In conformità di le prime, et di uno caso seguito a li do oratori pisani erano lì, quali di note tempo veneno otto stravestiti a la lhoro abitatione minaziandoli etc.