Et come l'orator di Milan havia spesso lettere dil signor suo, [141] et spesso si trovava in coloquio col pontifice, el qual è il prothonotario domino Coradolo Stanga. Item, come era nova de lì, per via di Lucha, Paulo Vitelli esser levà da Pisa, et stratioti esserli andadi driedo et hali fato danno, el qual andava verso Casentino.
     
      Da Napoli dil consolo, di 13. Come el se partiria questa setimana per Apruzo, maxime perché Ascoli e Fermo è in garbuio, perché il signor di Ascoli facea novità. Item, le zente dil paese ha corso il paese e fato danno, maxime da poi la morte dil ducha di Malfi, noviter manchato. Item, il re eri con le galie di Villamarin andò a Santa Maria di Pedigrota a devotion e tornò la sera a caxa; fo in Capuana da la moglie, e il ducha di Calavria fè convito somptuoso. Item, havia sostenuto in caxa con piezaria la contessa Brocharda di caxa Carbone, fo mojer dil conte Bocardo; et esser morto el conte Zuam Batista Caraffa nepote dil cardinal di Napoli, qual fo orator a Milan; et questo mexe el cardinal preditto ritornava a Napoli.
     
      Di Aste dil secretario, di 17. Come misier Zuam Jacomo havia habuto lettere dil Malabaila di 11, che lo advisa el re li à fato scriver che monsignor di San Martin solicitava il re a concluder con Milan, et soa majestà non vol asentir, et che lui non parla al re ma fa parlar, et che la liga con la Signoria si pol dir esser fata et si aspetava risposta da la Signoria. Item, esso misier Zuam Jacomo haverli ditto: che a suo fiol è in Franza vien oposto tien tropo con la Signoria.