De li ditti a dì 7 a hore 7 di note. Come haveano ricevuto la lettera col capitolo di Siena zercha quel Baldisera etc. Come era con il sig. Carlo Orsini e non intrava in li consulti, ma era homo ingenioso et l'hano dito a l'Alviano, e terminà mandarlo su quel di Roma. Item, esser zonto Marco di Santi, ha lassato a Castel Delze l'artilarie con Basilio da la Scuola e guastatori, con hordine li fazi coperti e lassi star cussì, e poi vengino in campo: le qual sono do canoni et uno falconeto, e di guastatori fuziti assa' resta, di padoana N. 12 e di brexana 7. Havia mandato do di capi, uno a Petra Cutola sora le vituarie, [203] l'altro a l'Averna dove è domino Paulo da Fuligno, con promision di pagarli, zoè Batista di Monte Chiari capo di quelli di brexana mandoe a l'Averna, dove voleno far una caneva di vituarie; ben avisavano si conveniva condur, et sarà la spexa da Petra Cutola in campo di lire 5 per soma. Item, aver ricevuto gropi 12 zoè ducati 14192 per Marco di Santi, zoè 14 milia 192, et haviano dato danari a li alemani et spagnoli per esser insolenti, et voleno fin 17 di l'altra paga. Et haveano capitoli sotoscriti per sier Zuam Paulo Gradenigo con volontà di sier Nicolò Foscarini proveditor. Et che Zuam Filipo colateral era amorbado. Voriano haver uno pagador e daranno danari a le zente, qualli non suplirà; et voriano haver qualche summa di danari perché disvieriano li fanti nemici come si desse fama di tuor fanti. Item, de lì non esser nì neve nì fredo ma pioze dì e note; non hanno corieri, mandano per fanti a piedi, quali convien dimorar, perhò si scusano si cussì spesso non si harà lettere.