Et parloe el marchexe Lunardo racomandando quella fidelissima comunità a questa illustrissima Signoria. Demum si dolevano di alcune parole dicte in publico per uno Ulixes Palestrina rasonato di sier Hironimo Capelo proveditor per le camare, perhò che 'l volea far pagar 35 per 100 de le cosse incerte haveano li vicarii dil veronese provedadori di comunità di Verona et vicario de la caxa di la garzaria, et si dolevano di pagar questo. Et primo che ad exemplum aliorum fusse castigato questo Ulyxes per haver dicto contra quelli fidelissimi citadini: "Io credo che habiate voia di mutar stado, quando contradite a questo" cossa per opinion lhoro di grandissima importantia per quella fidelissima comunità. Perhò, dimandono sia processo contra questui acerrime, perché a lui [229] non tochava dir tal parole. Secondo: dimanda che per li privilegii soi non dovendo pagar li 35 per 100 di li incerti, non fusseno astreti a pagar. Item, tochono zercha la lite ha quella comunità col clero, perché dil 1418 fo fato pagaseno di 16 carati 8 quelli di fora, 5 la cità et 3 il clero; e che dicti preti non voleano pagar le angarie. Et parlato el Bivilaqua et l'Alberti fono mandati fuora, et chiamato sier Hironimo Capelo che era lì, expose la verità di la cossa; et venuti dentro, per il principe li fo usate bone e grate parole, dicendo fosseno ben venuti per esser di quella fidelissima cità nostra: et quanto a questo Ulixes si provederia; quanto a li vichariai doveano pagar; et cometeria a sier Hironimo Capelo quando anderà lì, faria cossa di raxon; et quanto al clero, non voleano terminar alcuna cossa senza aldir l'altra parte; et fo comesso al dito sier Hironimo, etiam questa diferentia che aldi et difenissa de lì.