Item, fo messo parte per li consejeri di elezer de presenti li savii di consejo, in luogo di sier Polo Barbo, sier Nicolò Trivixam et sier Alvise Bragadin procurator che compivano, et uno in loco di sier Marco Bolani era andato podestà di Padoa, con condition che dovesseno intrar de presenti per zonta di collegio, fino al primo di zener che ordinarie dieno intrar. Et cussì presa la parte, fato il scrutinio rimase sier Ferigo Corner procurator fo savio dil consejo 152, sier Marchiò Trivixam fo capitano zeneral di mar 131, sier Costantino di Prioli fo savio dil consejo 130, et per tre mexi sier Nicolò Mozenigo procurator fo savio dil consejo 113, da sier Filippo Trum procurator et fu soto sier Nicolò Foscarini.
     
      Et la mattina seguente sier Nicolò Mocenigo procurator et sier Marchiò Trivixam veneno in collegio et introe.
     
      [1498 12 23]A dì 23 dezembrio in collegio. Vene sier Francesco Morexini el dotor, andava orator a Napoli, qual era stà expedito e de li danari e di le lettere di cambio, el tolse licentia dal principe. Partirà a dì 26; va a Chioza demun a Ravena per terra.
     
      Da Roma di l'orator, di 18. Come il zorno avanti era stato col pontefice in capella; li comunichoe la cossa dil marchexe di Mantoa, et il papa li disse poco curava saper questo, aspetava altro, zoè di le cosse di Franza, di che steva molto anzioso de intender qualche cossa et stava suspeso non li fusse ditto nulla.
     
      Crede sia stà la conclusiom prelongata per caxom di le trame dil ducha di Ferrara in acordar Italia; la qual cossa non voria; tien lui sia stà causa [250] il re non habi concluso per quello scrisse al ducha di Valenza, che tenisse la praticha in longo fino zonzeva a la corte, et havia replicato a esso ducha celeri la conclusione.