Zercha lanze longe, quale continue facevano far.
     
      Et da poi disnar fo pregadi, et con gran neve si reduse, et li savii se reduseno in camera dil colegio o per dir meglio dil principe nel suo palazo la matina a consultar la risposta in Franza, e rimase el principe con la Signoria a dar audientia, et tuta via nevegava.
     
      Di Asola di Piero Brazadelo, di 26. Come a d́ 21 era stato a Mantoa a veder dar il stendardo dil re di romani et quel dil ducha di Milan al marchexe di Mantoa in la chiesia di San Piero, et volendo ussir di la chiesia, el stendardo dil re, che ha per insegna [285] uno lion, li puti comenzono a cridar Marco, Marco, e poi li altri, adeo per meza hora duṛ questo clamor per Mantoa Marco, Marco, Turco, Turco. Et li oratori dil re di romani e di Milan rimasene stupefati, et cusś il marchexe, e ridendo senza altro son di trombe andono in castello. Poi lui Piero fo a visitar el signor Zuam, el qual si racomanda a la Signoria, desidera meter la vita per quella, vol vegnir con la moglie e figlioli, piacendo a quella, ad habitar su le tere nostre.
     
      In questo zorno, in pregadi nulla fo fato; se non che fo lecto le opiniom di savii di risponder a li oratori in Franza, le qual erano come diṛ di soto, tamen per esser assa' neve, il consejo non ben reduto et hora tarda, terminono vegnir uno altro consejo. El principe non fu in pregadi; et questi ussite di collegio: sier Polo Barbo, sier Alvixe Bragadim procurator et sier Nicoḷ Trivixam savii dil consejo, sier Zorzi Corner kav. savio a terraferma; et per avanti era ussito sier Marco Bolani andoe prima a Padoa et sier Hironimo Orio prima a Bergamo; et tamen questo mexe non fo fato li savii a terra ferma, per aspectar potesse esser provado et electo sier Polo Pixani, veniva podestà di Bergamo.