Di Raspo, di sier Daniel da Canal capitano, di 1.° dicembrio. De alcuni villani venuti lì sotoposti al re di romani, che fenze venir per una cossa in quelli confini ma vien per un'altra, pertanto si dubita, ha voluto avisar la Signoria nostra.
     
      Et fo intrato in la parte di risponder a li oratori in Franza, et leto 4 opinion di savii, tamen sier Nicolò Mocenigo et sier Ferigo Corner procuratori savii dil consejo non meseno nulla. Una opiniom havia sier Zuam Morexini e sier Lodovico Loredam procuratori savii di consejo, l'altra sier Costantim di Prioli savio dil consejo et sier Batista Zustignam savio a terraferma, l'altra sier Marchio Trivixam savio dil consejo, l'altra sier Marcho Zorzi et Alvixe da Molin savio a terra ferma. Or fo disputato sin hore 3 di note; parloe sier Zuam Morexini et Marchiò Trivixam et sier Alvixe da Molin difendendo le lhoro opinion etc. Et perché altri volea parlar, fo comandato stretissima credenza, perché con effeto la materia importava e rimesso al zorno seguente. Era intrati in questo zorno 4 di pregadi nuovi et 4 di quarantia criminal.
     
      [1499 01 03]A dì 3 zener, in collegio, sier Alvise Bernardo venuto come provedador sopra l'armar de Istria, referite quello havia fato. Prima havia desarmà 2 galie sotil Veniere di sier Zuam Francesco et il fiol, stete mexi 53 fuora, et havia dato ducati 6 milia tra tutte do, et come costava una galia sotil 20 milia tanto si teniva fuora. Item, era stato a Puola e visto le do barze qual steva mal lì, per dubito di esser brusate, et li 80 homeni lassati a guarda se imbriagavano.