Et per opiniom sua, conseja la Signoria togli l'impresa de Forlì; manda suo fiol Colla a Ravena. Et ditto podestà scrisse esser in quel teritorio di più compagnie cavali 708.
     
      Vene uno messo dil conte Fedrico di Monte Alboto, el qual fo introduto per sier Marco Zorzi savio a terra ferma, di la qual cossa spesso in collegio aricordava, et expose come el suo conte si oferiva far prestissimo 200 provisionati et subito quelli far passar nel nostro campo in Casentino, dimandava solum doe page, et fo risposo per il principe si consejeria, e poi fo tolto come dirò.
     
      Di Asola di Piero Brazadelo, di 4. Avisa li provisionati de lì esser tornati, quali haveano dito di la rota abuta nostri in Casentino; et li proveditor esser stà presi, et che Bortolo da Durazo contestabile havia a mal tal parole, et che asolani haveano mal animo verso la Signoria, faceano sete insieme contra dito contestabele, e lui come fidel nostro avisava il tutto.
     
      Introe li cai di X, et mandati tutti fuora, restò sier Zorzi Pixani doctor et cavalier, per la materia scrita di sopra, et da poi disnar fo consejo di X con zonta di danari. Et fo trovato el pro di le dexime si meterà. Fono electi alcuni nuovi di zonta in loco di quelli manchavano; et vene lettere di Zacharia da Ferrara.
     
      [314][1499 01 09]
      A dì 2 [sic] zener in collegio. Vene li signori di note et avisò esser stà trovato anegato apresso il ponte di San Patriniam in rio Menuo uno corier di Urbim con la scarsela, et era lettere dil ducha drizate al suo orator qui; si crede da lui medemo sie caduto zo dil ponte, perché non havea bota alcuna, et presentò le lettere bagnate, et lo feceno sepelir, etc.