Seguiva da poi sua signoria grandissimo numero di zentilhomeni, et li ambasadori che li erano andati contra. Et quella andò in castello dove era preparato la habitation sua, trovò lì la guardia dil re che sono arcieri 200 benissimo in hordene, et smontato sua signoria se ne andò al cristianissimo re, quale lo aspectava in la sala dove sua majestà manza, et con quella era el rev. cardinale San Piero in Vincula con altri signori et zentilhomeni, et fece a la prefata majestà una reverentia fino a terra ad intrar de la sala, e poi al mezo de la sala fece un'altra e alhora el re se levò la bareta; et aprosimata fu sua signoria apresso la regia majestà, quella se inclinò per basarli el piede, et el re non volse e alhora li basò la mano, et cussì ordinatamente tutti li soi andò a basarli la mano. Da poi stati per pocho spacio in rasonamenti, el cardinale de Roam disse: Scire [322] monsignor el ducha non ha ancor disnato, e la regia majestà disse: L'è ben che sua signoria vadi a disnar. Et se partì, acompagnato da monsignor de Roam fino al suo alozamento, el quale è in castello apresso il re. Et per la majestà del re fu mandati assai signori de la corte e molti zentilhomeni ad incontrar dicto ducha di Valentinoes, et quella non ha lassato de far ogni cossa per honorar sua signoria.
      E quando have disnado, la prefata majestà li mandò la guardia, e subito ritornò dal re dove stette per fino a hore 4 di note e li fo fato careze assai; et el dì seguente la majestà dil re da poi disnar mandò per lui et andorono a done con poche persone in compagnia; la matina li magnifici oratori di la Signoria di Venecia fono a visitarlo, el quale li fece bona ciera et offerte assai.