In questa matina fo balotado, hessendo li governadori presenti quali etiam lhoro balota, il condutor dil dazio di la becharia ch'è Polo Benato per ducati ut patet a l'anno, et rimase et li soi piezi. Item, ducati 6000 di danari di le dexime di le cosse da mar, per dar a l'armamento per il desarmar e pagar li homeni di le do barze è a Puola, e la spexa per mandar il maran a Puola con le maistranze et Zorzi Dragam. Item, ducati 1000 da mandar in Cypro per biscoti, et ducati 240 di danari di la fabrica, me aricordante, per mandar a Cataro juxta la parte che fo presa nel consejo di pregadi.
     
      Da Ravena, di 14. Come havea aviso quella matina erano partiti 50 balestrieri a cavalo da Forlì et [338] 200 fanti comandati, et etiam altri 200 da Forlì puovolo quali andavano verso Sojano a unirse con Achiles Tyberti. Item, esso prima confortava la Signoria ajutasse quel conte Lamberto, et expedisse Jacomo Sacho, et che le zente d'arme alozate de lì non ha più biava, et le barche de orzi che fono mandate de lì, quale scorseno fortuna, tamen libono solum 25 stera. Item, intendea inimici esser reduti a la Pieve di San Stephano e guardano li passi, e a Castel Delze esser poche vituarie, e non li vien se non per via di Rimano.
     
      Di sier Jacomo Venier date a Sojano a dì 13. Come era lì zonto con male strade, e stratioti esser con lui, quali haveano roto le gambe a li cavalli et erano andati a Castel Delze avanti a piedi menando li cavalli a man, dove intendea esser sier Zuam Paulo Gradenigo amalato. Et come intendea de lì a Sojano, Achiles Tyberti con 100 cavali lizieri et 200 comandati voleva andar a tuor Spinello castello di quel conte; et che havia dato ducati 100 a ditto conte, non perhò tochato di gropi.