Item, ha mandato il cardinal Roan in Bertagna a Nantes per condur la raina a la corte; et che li oratori dil re Fedrico erano pur su quel di Savoja, aspeta licentia dal re di passar a la corte, e il fiol dil papa non vuol, el qual era zonto a Synon con grandi honori; et poi la corte a dì 28 decembrio se parti de lì per Angies, poi anderà in Nantes a far le noze dil re.
     
      Noto in la lettera di l'orator di Milan di 13 è queste parole non poste al suo loco per [341] inadvertentia, come il ducha li disse: si la Signoria havesse ditto prima Lodovico voio cussì, quella haria visto lui non have voluntà di Pisa, ma mai li havia ditto nulla.
     
      Da Padoa di sier Marco Bolani podestà et sier Luca Zen capitano, de 14. In materia dil studio, zercha il lezer di domino Antonio Francesco di Doctori.
     
      Introe li cai di X, e poi fo consejo di X con zonta di collegio.
     
      [1499 01 17]A dì 17 zener in collegio, fo Santo Antonio. Vene il signor Antonio Maria di Sanseverino per caxa dil principe con domino Davit suo secretario, et tutto il collegio restoe. Era vestito a la franzese d'oro con uno mantello di sopra; qual sentato apresso il principe, exponendo come si voria conzar con questo stado, el principe li disse stesse di bona voia, la Signoria nostra lo havia in la sua gratia, ma quanto a darli conduta per adesso andasse per esser tempo de inverno, e che si tempo verrà si darà conduta etc. Et esso signor rispose voler esser sempre servidor di questo stado, e haver portato ferite e stato prexon da' todeschi per quello, et voleva andar a star a Citadella loco di essi signori in padoana, che per la Signoria nostra fo donato al padre lhoro signor Ruberto, et ivi aspetaria il tempo, pregando la Signoria si aricordasse de lui.