Et inimici havia fato el bastion e tajà le strade; adeo non si pol più andar per quella via, tamen ne resta un'altra. Dice dil trombeta dil Vitelli venuto; et la lettera di 23 non fu leta, credo fosse qualche trama con Paulo Vitelli, la qual fo leta con li capi di X; et etiam Astor Bajom scrisse una lettera a la Signoria.
     
      Da Dulzigno di sier Piero Nadal conte e capitanio, de 15 novembrio. Zercha Ferisbech sanzacho di Scutari, qual li ha scrito vol venir a parlarli per raxon di certi confini; et par vogli meter novi termini che saria la ruina di Dulzigno, e intravien certo voyvoda.
     
      [372] Et fo leto una poliza, che era uno capitolo di Corfù di 10 zener, per uno da Corfù scrito a sier Andrea Zane da Santa Maria Mater Domini, zercha uno schiavo che uno turcho li dovea portar da Constantinopoli, e dice il Turcho facea grande armata contra re Fedrico; et colui scrive è di Otranto: conclude l'armada turchescha ussirà.
     
      Da Costantinopoli di sier Andrea Griti, data in Pera a dì 20 novembrio. Le cosse di qui piutosto se incalma che altramente, ne la ingieta non vedo vadagno certo; quasi dicat l'armata si facea lentamente e l'ussita sarà dubiosa.
      Et come el magnifico Ferisbei havia mandato una lettera al Signor, con quella li mandò a lui la Signoria nostra; dicendo si provederà, et havendo li malfatori in le man si puniria; et turchi diceano non voria la condition a mantenir bona pace, et crede replicherà lettere; et noviter esso Ferisbei abuto il governo dil paese tenia il Zernovich in Albania.