Come a hore 12 il conte era partido per Ravena.
     
      Noto in questa terra era Antonio di Ruberti orator di padoani, per caxon il podestą voleva far li fuogi ogni 10 anni, etc.
     
      In questo pregadi fo messo parte per i consejeri, cai di 40, savii dil consejo, savii a terraferma, exepto sier Beneto Zustignam, et savii ai ordeni: che, atento la parte diceva non si podesse meter parte zercha la revocation etc. di la parte di vini di Candia si non per tutto il collegio, et el sia de expedir li oratori di Candia, che sono qui zą molti mexi, che non obstante la dita parte tutti di collegio possino venir a questo consejo con le lhoro opinione. Non have contrasto, una non sincer e 36 di no, 133 di la parte, e fo presa.
     
      Item, per tutte tre man di savii fo posto che, chi voleva armar la nave capitana come altre volte fu fato di soi danari, hessendo poi refati da la Signoria nostra, si debbi dar in nota con li modi voleno e le piezarie, quali siano balotadi in collegio, et sia dato a uno; et il capitano debbi andar sopra, et ad armarla vadi do dil collegio nostro, tamen, quelli l'armerano possi meter loro il patrom; et di la parte have tutto il consejo.
     
      Item, fu posto per li savii ai ordeni tre galie nuove al viazo di Fiandra, zoč vadino in Antona, con don di ducati 3000 di 6 grossi per ducato, et ducati 1000; di tre proveditori sora il regno di Cypri, et il capitano a mezo mazo parti, e per tutto mazo le altre galie, e meta bancho a mezo april, et li patroni se habino aprovar per tutto, ut in parte, et possi tochar Civitavechia.