Nara aver fato dano ai turchi; e per lettere lo hanno ringraziato.
     
      Copia di una lettera scrita per il ducha Corvino a li rectori di Zara,
      di haver dà rota ai turchi.
     
      Spectabilis et magnifice domine amice nobis plurimum honorande, propter salutem et prosperos ad vota successus. Sciat eadem M. V. nos feria quinta proxima ante festum Purificationis Virginis gloriosae; nunc proximi praeteriti ad civitatem Tininiensem aplicuisse, et immediate in adventu nostro audivimus quod turcorum duo exercitus, unus videlicet exercitus ipsorum turcorum maximum spolium et derobationem in dominio illustrissimi dominii vestri in teritorio videlicet Sibinicense, et alter exercitus dictorum turcorum districtum Opineniae similiter quasi in toto derobassent, et omnino depopulassent, et maximum spolium et predam asportassent et abduxissent. Quibus intellectis et auditis, familiares nostros armigeros videlicet et huzaronos contra dictos turcos ipso eodem die, quo huc Tininum veneramus misimus, et tandem de voluntate omnipotentis Dei et cum auxilio Divinae clementiae utrumque exercitum dictorum turcorum debelavimus, tum qui derobaverunt teritorium vestrum sibinicensem, tumque qui similiter derobaverant subditos nostros ita tam quod vix aliquis turcus de dictis exercitibus salvus evasit et omnes captivos cristianos ac universam aliam predam deliberavimus et intuitu mutuae et sincerae amicitiae ac vicinatu nostro praemissa M. V. mandari et notificare curavimus. Caetera his nobilis Lucas familiaris noster lator videlicet praesentium eidem M. V. esponet, cui rogamus fidem adhiberi.