Da Verona di sier Hieronimo Capelo proveditor per le camere. In materia di Jacob zudeo, vol far i banchi di zudei, paga quali tutti da solum ducati 4500, el qual zudeo è in prexon etc.
     
      Da Milan di l'orator, di 3. Come el ducha a la predicha li disse haver da l'orator fiorentino, di 25 et 26, come ozi o doman doveano partirsi li lhoro oratori per Ferara, et erano restati tanto per cosse private et etiam publiche per poter concluder. Et il ducha haver mandà alcuni cari di monition et artilarie in Geradada per fornir quelli lochi.
     
      Da poi disnar fo consejo di X semplice, per expedir assai cosse.
     
      [1499 03 07]A dì 7 marzo. In collegio vene sier Francesco Doto el cavalier citadin di Padoa, dolendosi al [499] principe di alcune vilanie ditoli per sier Vetor Pisani dal banco, con il qual ha lite per caxon di la camerlengaria di Este comprata a l'incanto per questi Pixani, et el dito sier Vetor si excusoe. Or fu comesso quanto a la vilania a li avogadori di comun, et quanto a la lite delegà el podestà di Padoa fusse zudexe.
     
      Vene domino Zuan Andrea Ungarelo dotor, come orator de la comunità di Padoa, dolendosi di una lettera fata in tempo dil serenissimo misier Andrea Vendramin doxe a sier Lunardo Donado tunc podestà di Padoa, che si potesse astrenzer et piar li debitori per le sententie fate in questa terra etiam in chiesa, et pregava fusse revochata, perché la leze civil non voleva pur per debito fusse niun retenuto in caxa: perché è scripto tutissimum refugium domus propria. Et che al presente sier Jacomo Polani havia fato retenir uno in chiesa.