Lorenzo di Prioli.
     
      A le biave.
     
      Sier Zuam da Mosto
      Mathio Tiepolo
      Jacomo da Canal.
     
      Arsenal patroni.
     
      Sier Francesco Zustignam
      Piero Moro
      Alvixe di Garzoni.
     
      Proveditori a l'arsenal.
     
      Sier Hironimo Venier
      Antonio Trum
      Ludovico Grimani.
     
      Nodari di collegio.
     
      Domine Zuan Diedo, canzelier primoAlvixe Manenti
      Zuan Jacopo di Michieli, al consejo di XZacaria di Freschi
      Gasparo di la Vedoa
      Zorzi Negro
      Bernardin di Ambrosii
      Alvixe Sagudino
      Francesco da la Zuecha
      Zuam Piero Stella
      Marco Bevazam
      Bernardin di Redaldi
      [566] " Francesco Zenaro
      Francesco Tajapiera.
      Thomà di Freschi
      Nicolò Aurelio
      Zuam Battista di Vielmi
      Piero Zantami.
     
      Dil mese di april 1499.
     
      [1499 04 01]A dì primo april. In collegio. Introe tutti li savii nuovi electi, et vene sier Marco Sanudo venuto podestà di Brexa: prima, come era venuto per aqua et era stato la setimana santa in burchio, per haver voluto sier Polo Trivixam el cavalier suo successor far l'intrada a tempo che li conveniva haver fato cussì: demum disse di le fabriche di Brexa e di la porta di San Nazaro et di San Alexandro et li revelini è quasi compidi, mancha una parte di mure. Item, aricorda di la garzeta la qual bisogna fortificarla, et che era stà in bosalation, et la parte presa tra lhoro di privar alcuni citadini, et laudò sier Francesco Mozenigo et sier Zuam Francesco Pasqualigo dotor et cavalier, con il qual era stato sempre in grandissimo amor; et che di la richeza e fede di quella terra non diceva perché era a questa Signoria satis nota. Item, havia sedà discordie, zoè tra misier Bernardin da Martinengo et li Gambari; et che la Signoria nostra sedò quella di missier Lodovico de Martinengo.