Item, di lì via a Trento è stà fato festa per la rota data a agnelini, licet habino habuto più lhoro; et che misier Martin da Lodrom preparava danari per mandar al re.
     
      Da poi disnar fo pregadi, il principe non vi, fu lete lettere Zuam Alberto mandò in scripto quello vol azonzer il ducha al laudo, danna misier Zuan Lucha e dice lui Zuam Alberto haver potuto haver duc. 3000 e non li ha voluti et li crepa il cuor. Poi sier Marchio Trivixam, savio dil consejo in setimana, referite quello havia dito eri il ducha di Ferrara, e leto le do scripture lassoe. Et havia ditto: serenissimo principe non son savio, et che dovea haver dito son savio e ò vosù far cussì. Poi referì Zacharia di Freschi il successo e le parole di questa matina di Zuam Alberto.
     
      Questo è il consejer fece il ducha a laudo: che fiorentini possa tuor el podestà e custodi di le terre di la chiesia di Mantoa et di Bologna, e questi tre lochi se intendi non esser suspeti a' fiorentini. Item, che pisani siano reintegradi di le possession tien fiorentini. Item, che fiorentini debbi asignar a' pisani parte di l'intrade per la custodia e pagamenti da esser fati a quelli. Item, che a le forteze, oltra el solito, pisani possi tenir dil suo 5 over 6 fanti pagati [593] perhò de danari de essi pisani. Item, che nel numero di le forteze se intendi le porte di Pisa.
     
      Et fo posto parte per tutti li savii, zoè sier Ferigo Corner procurator, sier Constantim di Prioli, sier Antonio Grimani procurator, sier Nicolò Foscarini savii del consejo, sier Alvise Venier, sier Marco Sanudo, sier Zorzi Corner el cavalier e sier Polo Pixani el cavalier savii a terra ferma, et nulla volse meter; sier Filippo Trum procurator e sier Marchio Trivixam savii dil consejo et sier Francesco Trum savio a terra ferma che si debbi mandar Zacharia di Freschi secretario dal ducha di Ferrara a dirli riconzi la sententia maxime in la criminalità etc.