Item, Candia è luogo secho et arido, solea far vini bote 28 milia, hora 6 in 7 milia, e valea prima la bota ducati 8, hora val ducati 5, si è là, de la mità in roba, et si fa tre sorte vini, primi per ponente, secondi per Costantinopoli, terzi zoè maduri per questa terra. Item, la fin dil merchadante è guadagnar, comprar a bon merchà et vender caro, etc.
     
      Fo posto per li savii dil consejo, terra ferma et ai ordeni, atento che sier Antonio Grimani procurator havia aceptato capitano zeneral di mar, che domenega, sarà a dì 21, debbi meter banco e vadi in armada etiam do galie meti bancho zoè sier Francesco Pasqualigo e sier Nadal di Marco soracomiti; et che damò fo preso che non venendo fuori, over fusse disciolta ditta armata turchescha, esso capitano possi venir solo con la sua galia da mo sei mexi a disarmar: ave la dita parte niuna non sincere, 6 di no, 188 di la parte.
     
      Item, per tutti li savii ut supra fu posto, che per [629] tutto venere quelli hanno nave si vengino a dar in nota con li modi voleno armar e servir la Signoria nostra, et quelle siano balotade in questo consejo e tolte 4 et quelle armarle: have 6 di no, il resto di la parte.
     
      Item, per tutti li savii ut supra fu posto, atento li presenti bisogni maritimi, fusse fati 500 boni fanti soto quelli contestabili pareva, et quelli siano mandati con l'armada per li bisogni, et have tutto il consejo.
     
      Item, fo posto per li savii dil consejo et di terra ferma, di scriver a li nostri oratori in Franza e mandarli copia di lettere castigate venute da Costantinopoli.