Consultation di le nave voleano armarper la Signoria.
     
      La nave di sier Antonio Cocho, patrom sier Fantim Memo, di bote 600, vol ducati 600 al mexe, il pagamento a le cazude di debitori di Monte vechio et nuovo, et scontar in decime, et haver il biscoto.
      La nave di sier Alvixe Malipiero et compagni, patron Tomà Duodo, di bote 600, vol il pagamento ut supra.
      La nave Soranza di sier Andrea e fioi, patron Francesco Tarlao si obliga armarla in zorni 8, vol ferma di 4 mexi ducati 600 al mexe, et 4 miera de biscoto; vol la ubligation da Treviso e Bassan.
      La nave di sier Lunardo Vendramin, di bote 500 per ducati 550 al mexe, ferma di mexi 4 e scontar la metà dil debito a le raxon numero ... al mexe.
      La nave di sier Francesco Gradenigo e compagni, patron Filippo Brocheta, di bote 600, per ducati 550 al mexe, e haver li danari di Monte vechio et novo.
      La nave di fioli fo di sier Pedrazo Malipiero e sier Tomà Contarini, di bote 700, patrom sier Marco Malipiero, per ducati 600 al mexe, vol danari exigibili: la qual è carga di legnami per Catalogna.
      La nave di sier Beneto Zustignam con homeni 125, vol ducati 800 al mexe, et li danari a le cazude Monte vechio e Monte nuovo.
      El belingier di sier Nicoḷ da cha da Pexaro e fioi da Londra, di bote 500, vol ducati 600 al mexe il pagamento come la nave Cocha.
     
      In questa matina nil levar dil collegio vene il marchexe Lunardo Malaspina e prè Ypolito a tuor licentia dal principe, voleano andar via a Verona, et li fo ditto bone parole; tutta via la Signoria havea auto una scritura di Zuam Batista, avisava il tutto.