Sier Antonio Zustignam dotor fo proveditor sora le camere, de sier Polo 56:126
      Sier Francesco Trum savio a terra ferma, q. sier Piero 33:152
      Sier Zorzi Corner el cavalier savio a terra ferma, q. sier Marco el cavalier 41:134
      † Sier Marco Zorzi fo savio a terra ferma, q. sier Bertuz 100:82
      Sier Polo Pixani el cavalier savio a terra ferma, q. sier Luca 24:154
      Sier Nicolò Michiel el dotor, q. sier Francesco 33:148
      Sier Vetor Soranzo el grando, q. sier Zuane fo dal banco 62:128
     
      Et la matina seguente tutti do veneno in collegio et aceptono tal cargo volentieri, dicendo esser preparati quando piaceva di andar.
     
     
      [1499 04 23]A dì 23 april. In collegio. Vene sier Marin Zorzi el dotor, venuto zà quasi molti mexi orator di Napoli, et per esser stà amalato non havia referito, e si reportò al pregadi, tamen non referite mai; et che l'havia speso ducati 3650 di più di quello li fo dato, stete a tempo di gran carestia, fo in campo con il re contra il principe di Salerno et Carlo de Sanguina adeo spese assai. Item, nel suo partir have dal re presente una cadena di valuta di ducati 130, do bazileti, do poti, una confetiera, una casseta d'arzento di odori; et che a lui tal presente li costò perché donò uno cavallo picolo al ducha di Calavria, qual à anni 11, valea ducati 80, fo di suo fratello sier Alvixe che morite, et do capelleti da sparvier che fono fati per re Mathias di Hungaria; et per el principe fo laudato e ditto in reliquis referirà al pregadi.
     
      Vene Zuliam di Medici, vestito di negro con barba, qual sentato apresso il principe parloe da savio, racomandandosi a la Signoria, et ringratiando di quello havia fato per la caxa di Medici, oferendosi etiam con la persona a li servicii nostri.