Item, mandoe alcuni avisi vechi abuti di Pera di l'armata turchescha.
     
      Da poi disnar fo pregadi, non fo il principe, et leto le lettere. Havendo inteso sier Antonio Grimani procurator, savio dil consejo et capitano zeneral electo, che li ducati 8000 havia mandati questa matina per sier Piero suo fiol a li camerlenghi di comun per poner lì e portarli con lui, tuta via prestandoli a la Signoria, che per li cassieri era stà messo le man suso et parte dispensati, con gran colera andoe in renga dicendo era preparato a partirsi, dolendosi di questo li era stà fato, et tolto ducati 2000 ongari de li ditti e dispensati, et che voleva li soi propri danari aliter non anderia etc. Et sier Piero da cha da Pexaro casier, andoe a scusarsi in renga, dicendo erano stà fiorini scarsi e non ungari, e se li daria.
     
      Item, tutte tre man di savii, me auctore, volseno poner una parte: consit era stà preso far 10 soracomiti per electiom e la bancha; acciò tutti sieno balotadi se fazi li ditti per scurtinio di pregadi: el qual debi star do zorni in canzelaria, acciò chi se vol depenar si depena; et li consejeri per le voxe di la [651] bancha no fono contrarii et li cai di XL; et fo bisogno a sier Nicolò Foscarini savio dil consejo et sier Polo Pixani el cavalier savio a terraferma, et io Marin Sanudo savio ai ordini andar a la Signoria. Or sier Marco Antonio Morexini el cavaliere consejer disse voleva rispeto tre zorni, e nulla fo posto; et li consejeri volse meter una parte, et sier Filippo Trum procurator, savio dil consejo, etiam lui volse rispeto, et volendo meter una parte di tuor nave e armarli, ditto sier Filippo intrigoe.