Non voglio restar di scriver di uno augurio acadete, che in questo zorno nel benedir il stendardo in chiesia fu messo el pomo d'oro in la maza roverso, et niun si avete dil fallo, salvo poi benedetto, et alzado trovò aver messo roverso, adeo fo ditto Dio li fazi bene. Et intisi del 1449, sier Alvixe Loredam capitano zeneral contra re Alfonxo di Napoli, al partir de qui, ritornando da San Biasio Catoldo per canal di la zuecha a segonda di aqua investì sul canton di la velma di canal Orfano, et con la fuga inpiantò meza la galia in terra, et con faticha si cavò fuora, et in suo ritorno fu preso do galie di Candia da Villa Marin al porto di le quaje, zoè sier Piero Boldù et sier [654] Perazo Gradenigo. Item, dal 1482, sier Jacomo Marcello capitano zeneral a la guerra di Ferrara palmando a Zara roversò la sua galia, et nel expugnar Galipoli fu morto, ergo etc.
     
      Da poi disnar fu gran consejo, et fu facto consejer in Cypro, sier Piero Marzello, è proveditor a Bibiena, q. sier Jacomo Antonio el cavalier, qual vene per scrutinio et refudoe, et dil consejo di X passò solo sier Lorenzo Zustignam sopracomito et capitano a Ravena, qual era proveditor in campo, et poi ritornato intrò.
     
      Item, fu messo parte, per li consejeri, di far li sopracomiti per gran consejo per 4 man di election et la bancha a cinque per volta, et fo gran mormoration dil consejo, perché non voleva si facesse per la bancha, adeo chi contradiva non era presa; ave 3 non sincere, 524 di no, 1024 di la parte, et fu presa. Poi uno altro consejo, si convene poner parte che a la balotation di ditti soracomiti si cazasseno a uno a uno et cussì poi fono electi, et alcune volte non passono, et li 10 romasi è questi.