Ancora el canzejer grando disse da parte di la illustrissima Signoria a tutti: che exortava et comandava si andasse a pagar le decime, per poter expedir el capitano zeneral et le altre provisioni per conservation dil stado nostro.
     
      Adoncha li soracomiti electi sono questi: sier Marco Tiepolo fo patron in Barbaria, di sier Matio; sier Lorenzo Loredam fo soracomito, q. sier Piero; sier Tomà Marin zudexe di procuratori, q. sier Filippo; sier Pollo Valaresso fo patron di la barza, q. sier Cabriel; poi sier Piero Malipiero fo di sier Michiel, sier Daniel Pasqualigo fo patron di la barza, q. sier Vetor, sier Berti Loredan fo patron a Baruto, q. sier Leopoldo; sier Tomà Contarini fo patron in Fiandra, q. sier Nicoḷ; sier Silvestro Valier et sier Domenego Capello.
     
      È da saper in questi zorni vene in questa terra uno luchese, qual conzoe una corda in corte di la caxa dil marchexe et su quella caminava, zugava di scrimia, balava, andava con galoze in zanche et feva altre cosse molto mirande, adeo ogni zorno concoreva assai brigata a veder, et vadagnava assai et feva cosse molto pericolose, poi si part́ de qui.
     
     
      [1499 04 29]A d́ 29 april. In collegio. Vene uno corier di Alemagna, con lettere dil re di romani date a Vormantia in oppido Machel a d́ 13 fevrer. La mansion diceva: Illustri Augustino Barbadico Duci Venetiarum nobis sincere dilecte; et di l'archiducha di Bergogna la mansiom diceva: Illustrissimo Barbadico Venetorum Duci fratri nostro carissimo, et non dicea el [655] nome; et dil ducha Alberto di Sassonia et di Cristophoro marchio Budae, et dil conte Zorzi di Baviera conte palatino, di 4 fevrer, e di electori de l'imperio, capo Bertoldo arziepiscopo magontino, sottoscrita: princeps ac electores, principis, nec non principum electores ac principum Italicorum statuum sacri imperii, et oratores ac noncii Vormantiae congregati.