Come Buje, Pinguento, Castel novo et do castelli non voglino contribuir a l'armar di la galia; perhò la Signoria provedi perché erano venuti de qui a dechiaration, et cussì fono alditi da la Signoria ditti homeni contrarii a quelli di Cao d'Istria, dicendo erano separadi et exempti. Or fo scritto al podestà che pro hac vice tantum debino contribuir in dar homini, licet siano etc.
     
      Item, fo balotà ducati 1171 per il capitano di le [667] nave: sì per suo salario, come per la spexa dia far a li homeni etc., licet ditta nave in reliquis sia armata per sier Cosma Pasqualigo, et meta suo fiol sier Vicenzo Pasqualigo per patrom suso, siché tanto più ne costa.
     
      Da Pisa, di sier Piero Duodo provedador, di 26 date apresso l'Artella sul fiume de ... Come a dì 24, havia ricevuto nostre lettere con la zonta dil laudo fata per il ducha di Ferrara, la qual zonta comunichoe con quelli signori pisani, quali non voleno per niente consentir, et cussì lui provedador justa i mandati fè comandamento a tutte le zente nostre si levasse, le qual si levono, excepto Gorlim da Ravena, Antonio di Fabri, Hironimo Bariselo et altri contestabeli et fanti et 50 homeni d'arme et 50 stratioti de diverse compagnie, hanno jurato restar lì a lhoro defensione, el resto di stratioti son venuti via, quali fono parte di quelli vene con sier Zustignam Morexini provedador nostro, numero 250, li qual non hanno alozamenti: pertanto la Signoria ordini dove habino a star. Item, quella povera zente per non haver danari vanno fazendo molti danni, vendeno li cavalli per viver.