Sier Alvise Venier, et sier Zorzi Corner el cavalier Savij a terra ferma 400 per uno, sier Marchio Trivixam 300, sier Polo Barbo 200, sier Marco Sanudo 200, et va discorendo, sier Luca Zivram 100, et sier Filippo Trum savio dil consejo per parole li fusse ditto nulla volse prestar, ma diceva diebo haver di raxon di la serenità di mio padre che stete in dogado ducati 400 vi li lasso.
     
      Vene uno orator dil re di romani, prè Luca di Orlandi, tamen era vestito da layco di seda; contra dil qual a levarlo di caxa per il principe fussemo mandati io Marin Sanudo, sier Andrea Suriam cassier, sier Vetor Capello et sier Zuam Moro; qual era alozato a San Hironimo; era con 8 persone. Or menato in collegio, presentò lettere di credenza al principe tamen vechie di april 1498, data a Inspurch, la mansion diceva: Illustri Augustino Barbadico duci venetiarum sincere nobis dilecte; e dentro Maximilianus divina facente clementia romanorum rex. Or disse molte parole, et come la sacra majestà lo mandava in Spagna per caxon di madama Malgarita sua fiola qual ha 30 milia scudi di provisiom, et 400 milia scudi di dota; et era a Zenoa quando il re li mandò questa lettera di credenza, fu bisogno iterum dal re predito andasse, qual de lì si partì, et li ordinò venisse, con la lettera havia, a la Signoria nostra a dimandar, il resto di danari promessi quando soa majestà vene in Italia saltim veder quelli conti, poi havia a dir altro, abuto havesse di questo risposta; poi disse che sguizari feva guerra a esso re con li danari nostri, et che lui ha excusato la Signoria; et qui fè un longo discorso dicendo: parlava come Lucha di Renaldi servitor nostro et dicea: verba mea non sunt mea.