Vene li mercadanti tedeschi di fontego, con missier Zuam Batista lhoro avochato, e dimandono, atento il banco di Garzoni falite, et noviter questo di Lipomani sopra dil qual haveano da ducati 30 milia, zoč ducati 10 milia su el Lipomano, et Zuam de Cheler fa i fati per i Focher etc. Et che i Garzoni disseno fin Pasqua, di Pasqua a la Sensa, e a hora dicono voler 15 zorni a pensarci di pensar il tempo quando si potrā satisfar; perhō voriano fusse tajā il salvoconduto in bonis tantum, over potesseno dar de quelli beni ai soi creditori che hanno a le galie, over etiam a lhoro mercadanti fusse slongā il tempo. Item, di argenti e ori hanno, non sa che far, perhō che a meterli in zecha paga tre grossi e mezo per marcha, ch'č d'intrada a la Signoria ducati 4000, voria etc. Item, che uno todesco havia dā al Lipomano peze di arzento per valuta di ducati 1800, le qual sono al presente in zecha, et voria rehaverle. Fono mandati fuora, et per esser materie dil [737] consejo di X non fo consultato, e chiamati dentro li fo ditto: quanto a la prima si parlerā con li Garzoni, li qual vol pagar tutti, e a la seconda si consejerā etc.
     
      Vene sier Albam Darmer va patron di una nave grossa, et disse fin 4 zorni sarā in hordine, tuttavia si arma, et lo arma sier Jacomo Contarini provedador sora l'armar, solo, etc.
     
      Et fo balotā alcune munition per la nave Pandora; et fo scrito lettere a Verona e altrove mandino schiopetieri per ditta nave, atento non si trovava homini di armarla.
     
      Da Milan, di l'orator, di 16. Come el ducha facea fortifichar le terre a li confini verso Aste, e ā mandato missier Galeazo di Sanseverin a Novara, qual ā fato ruinar mezo uno borgo e alcuni castelli ā fato spianar che erano inuteli e fato fabrichar molti bastioni.