Pagina (51/1091)

   

pagina


Pagina_Precedente  Pagina_Successiva  Indice  Copertina 

     
     
      Da Dulzigno, di sier Piero Nadal conte e capitano tre lettere. In la prima di 11 mazo: haver nova per uno Zorzi venuto di la Valona, come era zonto lì l'orator dil re di Napoli, portava il corpo di Gem sultam al Signor. Item, esser in mar 4 fuste dei Turchi, a la Zimera andati, haveano fato preda di cristiani 40, et esser stà morti da lhoro turchi 40. Et in l'altra di 14, haver da lo episcopo di Alesio ch'è scutarino, qual era stà a Crovia in visitation di le anime a lui subiete, dice quelli paesi esser in fuga per haver inteso esser rota la guera tra la Signoria nostra e il Turcho, e publice si parla, et che a Crovia parlò al fiol dil senzacho di Musia, el qual li dimandò si Corphù era forte, rispose de sì, et li disse el Signor turcho anderà a Corphù, Cataro e Ragusi, e per questa Albania, et ussirà l'armada fato el suo bayram, ch'è a dì 14 de l'instante. Item, in la lettera dì 15: come a dì 5 era zonto a Scutari Doardo, messo di Ferisbei, dice esser stato a Milan non ha trovato ditto Ferisbei, per esser andà in uno loco chiamato ... per adunar le gente, et che a Scutari era stà ordinà di fortificar certa porta, e si apre hore do da poi il consueto, et si sera hore do avanti le porte di Scutari al presente.
     
      Da Corom, di sier Gabriel Venier et sier Fantin Zorzi rectori. Replichano el bisogno hanno per le cosse ocoreno, voriano monition.
     
      Da Bassan, di sier Alvixe Lion podestà et capitano, di 5 dil presente. Come havia aviso a Meram esser arivato il re di romani, et fato la mostra di le zente in la val di Clero dove fo roti, et ha 17 milia persone; et esser in ditto campo 1000 lombardi quali il re li ha licentiati, et aspectava zente di Milan et vol seguir a far crudel guera con sguizari.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Dulzigno Piero Nadal Zorzi Valona Napoli Gem Turchi Zimera Alesio Crovia Signoria Turcho Crovia Musia Corphù Corphù Cataro Ragusi Albania Scutari Doardo Ferisbei Milan Ferisbei Scutari Scutari Corom Gabriel Venier Fantin Zorzi Bassan Alvixe Lion Meram Clero Milan