Pagina (54/1091)

   

pagina


Pagina_Precedente  Pagina_Successiva  Indice  Copertina 

      Item, ha mandato zente in ajuto dil re di romani, et a Novara misier Galeazo di Sanseverin, et ha mandato danari al marchexe di Mantoa, et uno orator per adatar certi capitoli. Et per una poliza ditto vice domino avisa come quel Nicolò Pavan in uno ospedal esser morto, ergo etc.
     
      Da Roverè, di sier Nicolò da cha da Pexaro podestà, di 16. Haver nova per misier Martin da Lodrom, qual era stà chiamà dal re di romani a Meram a la dieta, et ha mandato misier Zorzi suo nepote, over fiol, et dice farà a saper il tutto si farà in la dieta; et dice esser zonto a Meram el ducha Zorzi, el ducha Alberto di Baviera, et misier Zorzi da Besem, et fortificha questi lochi con monition, et il castello; et à messo zente nova in quello castello, et abuto formenti trati dil dominio di la Signoria nostra. Item, esso podestà scrive star di bon animo, revede le artilarie, le curaze quale sono vaste, siché bisognava proveder etiam per Castel Barco. In conclusion si porta ben; et fo laudato dal collegio; et fo scritto ai rectori di Verona provedi a Roverè dil tutto, et li mandi ducati 50 da compir certa fabricha, tamen el dimanda 100 guastatori di veronese et brexana per far etc.
     
      Da Trevixo, di sier Andrea Dandolo podestà et capitano. In materia di orzi etc.
     
      Da poi disnar fo pregadi. Et questa matina a Rialto fo ditto una zanza: come l'armada dil Turcho non ussiva, dove si venisse tal nova non si sapea, adeo tutta la terra era allegra, et vidi una lettera da Corphù, di 22 mazo, come sier Simon Guoro provedador di l'armada havia preso una barzeta di curaze che il re di Napoli mandava al Turcho, tamen di questo non reusite.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Novara Galeazo Sanseverin Mantoa Nicolò Pavan Roverè Nicolò Pexaro Martin Lodrom Meram Zorzi Meram Zorzi Alberto Baviera Zorzi Besem Signoria Castel Barco Verona Roverè Trevixo Andrea Dandolo Rialto Turcho Corphù Simon Guoro Napoli Turcho