Pagina (83/1091)

   

pagina


Pagina_Precedente  Pagina_Successiva  Indice  Copertina 

     
     
      [818] Et da poi disnar fo gran consejo, et electi tre avogadori di comun, in luogo di sier Lorenzo di Prioli che compie, sier Antonio Calbo et sier Domenego Trivixam el cavalier hanno refudado con la pena, et rimaseno questi quali veneno per scrutinio: zoè sier Polo Pixani el cavalier fo avogador di comun, sier Marco Sanudo fo podestà a Brexa, tamen era stato avogador di comun, et sier Nicolò Foscarini el savio di consejo, fu soto, et in scrutinio, et a gran consejo, ma di largo sier Nicolò Michiel dotor et cavalier fo avogador di comun; et la matina seguente sier Nicolò Foscarini in collegio refudoe tal cargo con la pena, et fu fato sier Nicolò Michiel soprascritto, et cussì introno.
     
      [1499 06 16]A dì 16 zugno. Domenega. El principe andoe con li oratori, la Signoria et patrizi invidati a messa a San Vido, et fata la procesion prima, et passato il canal grando, fu fato il ponte su galere grosse, che prima si soleva far su galie sotil, ma al presente non ne era, per esser ite in armada; e cussì come el principe soleva, andava per terra, ivi a messa, cussì ozi andoe con li piati, e poi dete il suo pasto chiamato il pasto di zoveni. Et da poi disnar, fo gran consejo, fato per la bancha, collegio si redusse, et io fui a Mestre.
     
     
      [1499 06 17]A dì 17 zugno. In collegio. Vene sier Marchio Trivixan, ritornato eri sera da Mestre: disse haver trovati boni stratioti e segnati 344, e qualche uno haveano casso, non era zonti ancora quelli di Friul, crede sarà cassi 200, et ne arà di boni 500, quali li cavalli vien bolladi; e come era restà a compir sier Marco Sanudo, qual laudoe, e disse si raccomandava a la Signoria, et ozi saria etiam lui qui.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Lorenzo Prioli Antonio Calbo Domenego Trivixam Polo Pixani Marco Sanudo Brexa Nicolò Foscarini Nicolò Michiel Nicolò Foscarini Nicolò Michiel Signoria San Vido Mestre Marchio Trivixan Mestre Friul Marco Sanudo Signoria