Pagina (84/1091)

   

pagina


Pagina_Precedente  Pagina_Successiva  Indice  Copertina 

     
     
      Da Roverè, di sier Nicolò da cha da Pexaro, podestà, di 14. Come era ritornato misier Zorzi da Lodrom, stato a la Dieta a Meram, et venuto da lui li ha ditto il re de' romani esser lì, et che zonse venere fo a dì 7, et sabado a dì 8 principiò la Dieta, et che il re, fo la prima volta solamente, e poi veniva in la Dieta uno misier Polo Letistener, suo consejer, et proposeno 4 cosse. La prima la Cesarea majestà era morta, vol saper da chi è stà levà tal fama; la seconda, saper le cause di le controversie e discordie tra zentilhomeni e zentilhomeni e tra zentilhomeni e quelli dil paese; tertio, vol saper il desordine di la rota have il suo campo e chi fo causa; quarto, per saper la cossa, perché agnelini e sguizari li era venuti contra. Et soa majestà vol haver 8000 persone contra di lhoro, zoè 4000 pagarli lui, et 4000 debi pagar il paese, et lui vol haver li danari per non molestar le persone dil paese; et che haveano electi [819] 12 a scuder tal cossa. Item, disse esser lì, con il re, oratori di Spagna, Napoli et Milan; et che todeschi hanno fugato agnelini, et brusato caxe in Agnelina alta, et esser stà morti assai, tamen da poi par intendesse el contrario; et che todeschi erano stà mal menati, sarà vigilante per saper la verità; et che a Trento era stà scritto una lettera, per il re, che debino mandar zente in campo, et cussì hanno mandato 130 homeni. Item, ha ricevuto lettere debi star vigilante etc. Starà con ogni suo forzo.
     
      Da Riva, di sier Hironimo Baffo provedador, di 13 et 14. In la prima di le biave si trazeva dil dominio nostro, et andava in campo di tedeschi; et che quelli di val di Ledro hanno lettere da li capi dil consejo di X di poter trar biave, et saria bon revochar ditte lettere.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Roverè Nicolò Pexaro Zorzi Lodrom Dieta Meram Dieta Dieta Polo Letistener Cesarea Spagna Napoli Milan Agnelina Trento Riva Hironimo Baffo Ledro