Pagina (141/1091)

   

pagina


Pagina_Precedente  Pagina_Successiva  Indice  Copertina 

     
     
      Vene l'orator di fiorentini, et disse haver da' soi excelsi signori auto lettere zercha la cauzion di danari: che la Signoria nostra vogli, overo star a lhoro fede, over darà uno principe per segurtà, over citadini, i qual volendo bisognerà far l'asignation qual sarà un pocho longeta. Et fono mandati fuora, et consultato; tandem li fo risposto, per el principe, ne dovesse dar la cauzion in questa terra. Item, disse esso orator: come il lhoro campo haveano dato il guasto a Pisa, et è capitano Paulo Vitelli et il conte Ranuzo di Marzano, et comissarii Bernardo Nasi et Luca Albizi, et erano a campo a Cassina; et che pisani hanno 200 cavalli, quel Renier di la Saxeta et Gorlino con alcuni fanti, et che tuttavia fiorentini sono di bon voler a volersi meter in la Signoria nostra a conzar di plano. El principe disse, si faria il tutto per voler, etc.
     
      Vene el capitano di Primier, todesco nominato ... con sier Alvixe Foscarini et sier Thomà Morexini erano stati castelani a Castel nuovo di Quer lì vicino a Primier ch'è dil re di romani: dimandò a la Signoria zercha alcune sue jurisdition di beneficii; li fo risposto si vederia di chi fusse.
     
      Vene sier Andrea Zanchani, electo provedador zeneral in la Patria, qual eri in pregadi acetoe, et dimandò voria saper che zente andava in Friul. Li fo risposto vadi via, et se deliberarà.
     
      Vene sier Hironimo Zorzi el cavalier, et presentò una lettera dil re di Franza, data a dì 22 mazo a [857] castel Remorantino a lui drizata di credenza, dovesse dar fede a quello li dirà li soi oratori.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Signoria Pisa Paulo Vitelli Ranuzo Marzano Bernardo Nasi Luca Albizi Cassina Renier Saxeta Gorlino Signoria Primier Alvixe Foscarini Thomà Morexini Castel Quer Primier Signoria Andrea Zanchani Patria Friul Hironimo Zorzi Franza Remorantino