Item, prima fu facto el scrutinio di do provedadori executori sora la deliberation a le cosse da mar, qual è questo:
     
      Electi do provedadori executori sora le cosse da mar.
     
      Sier Andrea Loredam, è di pregadi, q. sier Nicolò 79
      † Sier Anzolo Trivixan, fo patron a l'arsenal, q. sier Polo 122
      Sier Lunardo Marzello, fo patron a l'arsenal, q. sier Leopoldo 105
      [863] Sier Zacaria Dolfin, fo provedador a le biave,
      q. sier Andrea 120
      Sier Lorenzo Contarini, fo patron a l'arsenal, q. sier Zorzi 91
      Sier Piero Duodo, fo avogador di comun, q. sier Luca 96
      Sier Hironimo Querini, è di pregadi, q. sier Andrea 95
     
     
      Copia di una lettera di credenzascritta per il re di Franza a la Signoria,
      mandata per li soi oratori.
     
      Loys, per la gracia di Dio, re di Franza, de Sicilia et Jerusalem, ducha di Milan, etc. Carissimi et grandi Amisi.
      Nui mandiamo al presente verso Vui i nostri amadi e fedeli, el signor de Belmonte, nostro consejer chambelam antian et domestico servitor, et maestro Accursio Maijnier, doctor in tutti i dritti, similiter nostro consejer nel nostro gran consejo: ai quali nui habiamo dato cargo de dirvi e dichiarir alcune cosse da nostra parte. Ve pregamo tanto, et cussì cordialmente che far potemo, che essi nostri consejeri vui vogliate aldir, et prestar fede a quel che i ve dirano come a nui medesimi; fazandone saver spesso, et intender di le vostre novelle, et ne farete piaser. Carissimi et grandi amici, el nostro Signor ve habia in sua santissima guarda. Scritta a Romorentino a dì 22 mazo. Loys. Poi da l'altra banda è Robertet.