Item, et li baroni de Gueldres, hoc est misier Orsbat conte de Berchon, et Jacob de Brorilrhorse Batenberc, signor de Auceolte, Joanne signor de Oblics, Icham de Vorsari, signor de Hapel, sono et sarano ancora capitulati et ben compresi nel presente apontamento et tractato, tanto et si longamente che i dicti tre principi sarano retornati de Francia ut supra dictum est.
     
      Item, è dicto et conditionato che, pendente el tempo del dicto apontamento et tregue, i dicti principi non suferirano né permiterano in lhoro paesi terre o signorie sia fato alguna presa o dannagio de l'uno sopra l'altro de sua scientia o voluntà, ma che la maniera de tratar sia parimente come a li beni de' lhoro subditi.
     
      Item, è dicto che 'l nobele signore misier Phedrin Dargemona signor de Sistren, sarà compreso nel presente tratato et apuntamento, in modo che monsignor de Gueldres et tutti li soi lì, atenderano et suferirano integramente gauder, durante el tempo de dicto apontamento et tractato; et tutte diferentie apartinente a cità et castelli o altramente saranno messe a la determinatione dil prefacto signor re, et se troverà il dicto de Sistren apresso il re in persona quando li sopra nominati tre principi se retroverano.
     
      Item, è dicto che li doi principi sopradicti de Juliers et de Cleves dispenserano et ordinarano che le case de Ansen et Salberch sarano incontinente rendute et rimesse in le mano de quelli de chi le sono; parilmente farano tutto dover justa el lhoro possibele che le do case Flasent et Rode siano parimente remisse et rendute in le mano de chi quelle sono, et la casa de Heyl sarà incontinente per monsignor de Juliers remissa et renduta in le mano di misier Robertet de la Marcha, come officiale de Monteforte.