Fu posto una sola parte, per io Marin Sanudo e sier Zuan Moro savii ai ordeni: che a li nobeli di Acque morte li sia resalvà el primo viazo si meteria in Acque morte: have 4 di no. Etiam, poi in gran consejo fu posto parte: che sier Andrea Foscolo electo capetano di ditte galie potesse esser electo, et fu presa.
     
      Da Roverè, di sier Nicolò da cha da Pexaro podestà, di 8. Come havia nova il campo regio, da persone 8 o 9 milia, esser a Laz, e agnelini e sguizeri sono stati 5 zorni in val Venosa, e brusono Slander, et Bolzan dubita assai, et a Trento è stà scrita una lettera, la Signoria nostra vol romper al re in Friul e mandava zente, e ditto re è a Vitrich, et à da far assai.
     
      [907]
      1499. A dì 9 lujo. In pregadi, electi 10 savii a tansar, justa la parte.
     
      Sier Stefano Contarini, fo podestà a Chioza, q. sier Bernardo 73,115
      Sier Lunardo Grimani, fo avogador, q. sier Piero 53,141
      Sier Nicolò Dandolo, fo cao dil consejo di X, q. sier Jacomo 73,123
      † Sier Domenego Trivixan el cavalier, fo podestà a Brexa 146,50
      Sier Francesco Mozenigo, el cao dil consejo di X, q. sier Piero 77,126
      Sier Dardi Zustignan, è di pregadi, q. sier Marin 45,155
      Sier Zuan Bernardo, è di la zonta, q. sier Andrea 34,159
      † Sier Andrea Barbarigo, fo luogotenente in Cypro, q. sier Hironimo 139,57
      Sier Piero Querini, è di pregadi, q. sier Antonio 46,146
      Sier Polo da Mula, fo governador de l'intrada, q. sier Francesco 83,116
      Sier Piero Duodo, è di pregadi, q. sier Nicolò 35,102
      Sier Hironimo Morexini, è di pregadi, q. sier Carlo 109,88