Item, à ordinato a Fait bassà a l'Arta che arma fuste, et a la Valona son armate 5 fuste e do brigantini, et lo exercito terestre vien a la volta di Philipopuli e Scopia, poi a Coriza, zornate tre lontan da Corphù. Item, disse menava su l'armata, come uno li havia ditto, 80 milia legni grandi et 60 milia legni pizoli per far uno ponte con do bastioni. Item, al Vardar esser zonto el bilarbei di la Natolia, qual verà con il Signor a conzonzersi con quelle zente. Item havia ditto a uno da Corphù da parte di uno suo amico, si lievi con la roba. Item, la causa di tal armata è perché Carzego bassà è inimico di cristiani e de' venitiani, perché la Signoria non li dà per il Zante quello el vol, et si dà recapito ai corsari etc.
     
      Da Gradisca, di sier Andrea Zanchani provedador zeneral, di 18. Come non era zonte ancora le zente d'arme, salvo eri domino Tuzo; replicha la rocha vechia saria buono spianarla. Et per un'altra lettera avisa haver da quel Rigo per nome di misier Virgilio che a Viena esser concordà trieva col re di [940] romani, re d'Hungaria et re di Polana con il Turcho, per opera dil preditto re di romani. Item, turchi corerà certo.
     
      Da Bassam, di sier Alvixe Liom, podestà et capitano, di 18. Manda una lettera abuta uno citadin de lì, da uno de Juam, avisa molte nove di todeschi. In conclusione non hanno auto Cuora, et 800 esser partiti per andar a Trieste, e si dice verano a danno di la Signoria. Et che alcuni voleva far festa, e il capitano de Juam li ha ditto questa settimana se dia esser a le man, havendo il re suo vitoria sarà contento si fazi festa, aliter no.