Pagina (275/1091)

   

pagina


Pagina_Precedente  Pagina_Successiva  Indice  Copertina 

      Ho compreso, havendo quel loco se poteria far inexpugnabile, et domineria tutto quel paexe, eo maxime havendo uno belissimo porto, el qual è unico in quella riviera; et per quanto intendo al tempo de la precedente guera con el Turcho vostra serenità havia mandato la bona memoria di misier Hironimo Marzelo con soa armada, el qual havesse a costruir ditta forteza, ma impedito da la rebelion de uno Xarco Scotado, che in quel tempo era capo di ditto contorno, fu abandonata ditta impresa, non di manco parendo di dar qualche opera spereria redur ditto paese sotto la vostra protetione, in modo che se potrà sperar gran salute et proficuo a l'inclito dominio vostro".
     
      Da Budua, di sier Nicolò Memo podestà, di 15. Dimanda 25 fanti et monition; unde fici scriver al provedador di Cataro li mandasse de lì fanti: li è stà mandati 25 fanti a Budua.
     
      [949] Da Dulzigno, di sier Piero Nadal conte et capitano, et Alvise Sagudino secretario, di 10. Come era stà per nostri intercepte lettere dil secretario dil ducha di Milan, et di Ambruoso Buzardo, quali da Scutari scriveva al fratello Thomà Buzardo et al signor di Pexaro, scritte a dì 30 zugno: come a dì 25 erano zonti lì a Scutari, et Ferisbei esser in campo dal Signor, e li piace, hanno comprà cavalli e drapi, et andarano al Signor; el sanzacho li à mandà uno messo, farano el bisogno, prega il signor di Pexaro avisi l'amico: le qual lettere intercepte fono lette in pregadi. Item, come haveano da alcuni lì a Dulzigno l'armata esser partita, è l'esercito a Filipopoli et veniva verso Corphù a Napoli di Romania.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Turcho Hironimo Marzelo Xarco Scotado Budua Nicolò Memo Cataro Budua Da Dulzigno Piero Nadal Alvise Sagudino Milan Ambruoso Buzardo Scutari Thomà Buzardo Pexaro Scutari Ferisbei Pexaro Dulzigno Filipopoli Corphù Napoli Romania