Pagina (440/1091)

   

pagina


Pagina_Precedente  Pagina_Successiva  Indice  Copertina 

      El qual have gran piacer più che se li fusse uno fiol resusità, dicendo li pareva di esser reintegrato di l'honor suo, et molto laudoe ditto milanese.
     
      Da Cividal, di sier Hironimo Querini potestà et capetano. Zercha quel estimo, etc.
     
      Da Nona, di sier Domenego da Mosto conte. Voria monitiom et artilarie; scrive nel pericolo era stato di turchi, et non esser fuora.
     
      In questa mattina, per il principe fu proposto, con li patroni et provedadori a l'arsenal, come per opiniom sua el Turcho veniva con l'armada a Cataro, et perhò voria legnami da far galie; et li provedadori disseno esser galie sotil incantade numero 18, et fo concluso doman ditti provedadori et patroni portasseno in nota tutto.
     
      Et è da saper, il sussidio manchava haver zoè compir Vicenza, Verona, Padoa et Treviso, perhò che queste voleno quelli di fuora pagino; unde fo per collegio scritto esser nostra opinion le cità sole pagi.
     
      Da poi disnar, fo gran consejo, et collegio si redusse, et leto ste lettere:
     
      Da Brexa, di sier Marchio Trivixan provedador zeneral, di 9. Come solicitava far li fanti. Item, era tornà uno suo da Milan, riferisce il ducha dovea venir a Lodi a trovar il cardinal Ascanio. Item, scrive come brexani haviano electo sopra i carri et guastatori misier Lorenzo da Cauriol; et che il conte di Pitiano voria far far do ponti uno a Brexa et uno a Bergamo per dar sospeto.
     
      Di rectori, di 9. Come mandavano alcuni avisi auti dal conte Alvixe Avogadro. Item, come hanno inteso che a Rebecho il ducha à fato comandamento tutti sgombra, perché el vuol spianar, et che a Volta Secha, dove aloza misier Francesco Triulzi fo de misier Renato con 50 homeni d'arme, vene uno comandamento dil ducha, come lo havia tanxà ducati 226 al mese per pagar fanti per tre mexi, et misier Francesco Bernardim Visconte ducati 250, et havia tanxà ai Triulzi ducati 9000 per tre mexi per pagar fanti 24 milia, i quali Triulzi si dolevano assà, dicendo non pagerano mai.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Cividal Hironimo Querini Nona Domenego Mosto Turcho Cataro Vicenza Verona Padoa Treviso Brexa Marchio Trivixan Milan Lodi Ascanio Lorenzo Cauriol Pitiano Brexa Bergamo Alvixe Avogadro Rebecho Volta Secha Francesco Triulzi Renato Francesco Bernardim Visconte Triulzi Triulzi