Pagina (519/1091)

   

pagina


Pagina_Precedente  Pagina_Successiva  Indice  Copertina 

      Item, che franzesi alcuni dicea anderiano a Incisa a campo, altri diceva anderiano a Alexandria.
     
      Da Brexa, di provedadori generali, di 20. Come il zorno seguente anderiano in campagna, et quel zorno zonse le artilarie, et eri consultono col conte e parlato sora le monition e vituarie, disse: il conte Polomo di Boni era optimo, qual era bandizato, perhò pregava la Signoria li volesse far il salvoconduto. Item, mandono una deposition di uno explorator, fo mandato a Milan, qual partì domenega, fo 19 eri. Referisse come a Milan era il ducha, el cardinal Ascanio, el cardinal di Ferrara, et si aspectava el cardinal di Sanseverino. Item, le fantarie fano assà parte per mandar verso franzesi, e la più parte contra la Signoria nostra di qua. Item, mo terzo zorno fo fato una crida che tutti li homeni usati a portar arme vadino a servicii dil ducha, et fo deputà sora questo do citadini. Item, hanno expediti noncij al signor Prospero Colona, per stafeta, vengi batando et meni con lui quanti homeni d'arme el trova in itenere, e ordinato fazi a Viterbo 4000 fanti. Item, expedì quel zorno pur stafeta al re di romani, si acorda con la [1116] liga grisa e sguizari. Item, domenega zonse la nova dil perder di Anom, et franzesi amazono 500 in 600 fanti lassati vivi, solum do contestabeli chiamati Morgante e uno spagnol. Item, che ebeno la rocha di Araz per tradimento, et che franzesi voleano andar, altri dice verso Alexandria, altri verso Pavia. Item, per via di Como dia venir 200 lanze borgognone in ajuto dil ducha.


Pagina_Precedente  Pagina_Successiva  Indice  Copertina 

   

I Diarii
Tomo II - seconda parte
di Marino Sanuto
Editore Visentini Venezia
1879 pagine 1091

   





Incisa Alexandria Brexa Polomo Boni Signoria Milan Milan Ascanio Ferrara Sanseverino Signoria Prospero Colona Viterbo Anom Morgante Araz Alexandria Pavia Como