Et di quel messo venuto di Zenoa et Gasparo da la Vedoa andava drio lezando, ma sier Francesco Trum Savio a terra ferma si levō et disse a la Signoria era materie secrete dil consejo di X, et mandono tutti fuora, et steteno assai, e poi vene el ditto zenoese in collegio per caxa dil principe. Et č da saper molti di collegio voleva vegnir con ditta materia al pregadi, altri non volseno.
     
      Da Crema, dil podestā et capitano, di 20. Come uno soldato era stā preso da' franzesi a Araz et stato in campo a la presa di Anom, zonto quella matina a Crema a hore 10, ha inteso come franzesi deteno do bataie a Anom, e queli dentro se difese e franzesi fono rebutati e non cessando di far trazer l'artilarie terminō a la sera darli la terza bataia, et ussiti queli dentro a scaramuzar per la furia di le artilarie conveneno recular, et franzesi insieme con lhoro introno dentro tajando a pezi e sachigiando e brusando, et quelli di la terra et soldati volseno intrar in la rocha, e intrando etiam franzesi introe, e a questo modo ebeno la rocha, et fono morti 700 tra tutti di Anom. Et franzesi hanno fanti forestieri 6000 e altretanti paesani et 1200 lanze, non computā quelle dil signor Constantino che non son venute et quelle di la guarda dil re e regina, qual ha visto 10 zentilhomeni, li altri fino al numero di 300 vieneno, l'artilarie č boche 70 tra le qual 40 in 45 grosse, et dice ha mandā 2000 cavali di lā da' monti per condurne di le altre. Item, per uno frate eri partė da Milan, si ha come franzesi hanno spianā la rocha di Anom, et che Novara č stā spojā de cittadini e toltoli li danari e fato condur le biave in Milano, et el ducha haver posto nova imposition a' preti e cittadini et botegieri, adeo a lui frate ha tolto il terzo di la sua intrada oltra quello prima tolse, et che a Lodi havia novamente posto taja di ducati 8000.