Sier Luca Zivram.
      Sier Antonio Valier.
      Sier Andrea Gabriel.
     
     
      CAI DI XL.
     
      Sier Hironimo Griti q. sier Nicolò.
      Sier Zuam Duodo q. sier Leopoldo.
      Sier Alvixe da Pexaro di sier Fantin.
     
     
      SAVII DIL CONSEJO.
     
      Sier Marin Liom procurator.
      Sier Domenego Marin.
      Sier Filippo Trum procurator.
      Sier Leopoldo Loredan procurator.
      Sier Domenego Trevixam, el cavalier.
     
     
      SAVII DI TERRA FERMA.
     
      Sier Francesco Trum.
      Sier Beneto Zustiniam.
      Sier Alvixe da Molin.
      Sier Marco Zorzi.
      Zorzi Corner, el cavalier.
     
     
      SAVII AI ORDENI.
     
      Sier Marin Sanudo q. sier Leonardo.
      Sier Zuam Trivixam di sier Nicolò.
      Sier Faustim Barbo.
      Sier Zuam Moro q. sier Batista.
     
     
      Sumario di lettere di 6 avosto da Inspurg di lo episcopo di Concordia,
      legato apostolico, al summo pontefice.
     
      Come tre oratori dil re di Franza erano venuti al re de' romani quali fono alditi in Castro Frajaram alemanorum in insula lacus apresso Costanza. Eravi col re el marchexe di Brandiburg e il fiol dil conte di Palatin, el ducha de Virtemberg, li episcopi di Costanza e di Vormes e li altri consejeri regii, et exposeno questi oratori, quali sono lo episcopo di Castro, uno maistro di caxa dil re e uno doctor neapolitano: come erano venuti per confirmar l'antiqua benivolentia havia la cesarea maestà et Lodovico re undecimo e Carlo octavo soi predecessori, demun pregono soa maestà faci paze con sguizari. Et questo fo l'audentia publica; in la secreta disseno [1181] la causa dil stato di Milan, et vol haver otenendo la investitura di sua maestà et esser suo feudatario, et fono deputati alcuni consejeri e mandati al castello Bouchonen sora il lago di Costanza, et il re mostrò non esser alieno di la pace, dummodo con so honor e di l'imperio la possi far, con sguizari; et essi oratori in la oration exposeno come non fazendo il re pace cristianissimo suo re conveniva dar ajuto a essi sguizari.