Di campo, di provedadori date a dì 30 a Caravazo. Come quella note et ozi è stato grandissime pioze, adeo era ingrossà il Serio, non si poteva passar; et consultato con l'orator francese, et il governador nostro quid fiendum, unde per non poter passar li guazari il Serio, et voleano levarsi, et mia 12 fino a Sonzim, et si va in un zorno et mezo col campo, et è un'altra via da Crema dove è uno ponte sul Serio si starà zorni tre a passar, è mia 21, per tanto terminono star doman lì, et a dì primo levarsi. Item, nostri hanno auto Rivalta Secha, adeo tutta Geradada è di la Signoria nostra, et perché [1186] si potria dir meglio era andar a Cremona col campo, risposeno haver terminato prima andar a Sonzim si per non esser ancora tutte le zente in campo, vi mancha el signor di Rimano et quelle dil ducha di Urbim, li spagnoli vien di Roma, domino Sonzim Benzom et l'artilarie, ma hauto Sonzim anderano poi a Cremona. Dimandano li soi soliciti le zente deputade ad andarvi et danari per dar a li fanti, et disse il governador che mancha ducati 10, li qual si la Signoria li spende, farà una bella ponta a Cremona. Item, haveano messo lì a Caravazo provedador sier Zuam Antonio Dandolo, et lo laudano assai. Ha scritto a Bergamo mandi li 25 provisionati con el suo capo a custodia, et in la rocha hanno posto sier Vicenzo Zorzi q. sier Polo et Hironimo Barisello contestabele con provisionati 100. Item, hanno mandà uno trombeta a Sonzim a dirli si rendesseno, li hanno risposto volersi tenir per il suo signor ducha, vi è dentro 300 fanti et 100 balestrieri a cavallo, et lì anderano col campo et non volendosi dar lo dariano a sacho, solicitano i canoni et polvere.