Copia di un capitolodi sier Alvixe di Tomaxi da Baruto, de dì 25 zugno.
     
      Hassi d'Alepo ferme nove de la morte del diodar in Alepo, zudego sia stà tosigato; et è stà preso tutti li armiragij che con lui era, salvo Acbex che son scampate tute lor zente, dicesi esser ascosto in Alepo in castello, aspetavano tutti el soldan, la qual nova del diodar è stà molto a grata al signor di Damasco, et quello era a Tripoli, i qual son ritornà a Tripoli in sua signoria senza aspetar altro comandamento dal soldan; a hora ch'è morto questo diodar queste bande riposserà un pocho, ma tegno il Cajaro sarà in confusion, che per quel se dice dubitasi dil soldam, il qual soldam, per quel zudega cadaun, arà cativa nova de la morte di costui, perché hora che l'avia fato venir a queste bande aveva favorizato forte la reputation dil suo diodar, et dava de pensar al signor di Damasco, et altri che a hora poco stimarà ditto soldan, hor staremo a veder che Dio meti bon mezo.
     
     
      [1226]Copia di uno capitolo di uno comesso di Cypri
      hanno in Damiata de dì 28 Mazo.
     
      A presso da novo avesemo di la morte di l'armirajo grando, et esserli stà trovato per fama gran quantità di danari, e tutto è pervenuto in el soldan, et suo fiol era stà retenuto in castello, et par che il diodar che amazò il soldam picolo era a la volta di Sayto, et era ribelati al soldam, el qual a la zornata feva provision de arabi e cristiani per mandar a destrution del ditto diodar, el qual havia ribelato perché 'l soldam havia zerchà di farlo morir. Per l'ultimo passazo venuto da Baruto si à nova a bocha che per comandamento dil soldam, che comandava al signor di Damasco dovesse restituir li arzenti tolti a franchi, tamen fina qui per lettere non si ha più oltra sopra ziò, perché da poi non ne capitò altro pasazo.